#بتاريخ  16-4-2015

خاطرة  بقلمي

م / مد تكدرون تضحكون....

 زين.. ابتسموا يمعودين !!!

واقعنا يبججججي  الصخر ... مو ؟

 ادري....  

شنو الجديد بهذا ؟؟

ليش لي هسه ما تعودتوا  ؟؟!!!

زين يكفينا شرف المحاولة ... 

جربوا تضحكون ......

طرا مو خطية اذا ضحكتوا !!!!!

هسه عرفتوا ليش  جهالنا مشيبين !!!

شوكت ضحكتوا اخر مرة ؟؟

قبل كم سنة.؟

كم شهر ؟

لو نسينا  إشلون الضحكة تكون ... ؟؟!!

يمعودين .....

غثوني ميخالف بس ضحكوا !!!!!
زين ملازم ...

 ابتسموا  ....
صعبة هاي همين...؟؟؟

طرا كلنا خطار بهالدنيا ...

مو اليوم ....باجر يطلع اسمنا  ونتوكل !!!

زين على عناد الي  ما يحبوكم .....ابتسموا.... 

ها  عيني ؟؟؟  ... صعبة ؟

لعد اجيبلكم فتوة علمود  تبتسمون ؟

اخاف  هاذي هم  حرام  ؟؟؟؟

لو انتوا  يمكن من النوع الي  يبتسم من جوا الجوا ....؟

بس  لا يكون تخافون  من الحسد !!!!!

زين ابتسموا لخاطر الله ....

محد ابتسم  !!!!!   ...مو   ؟؟؟  ادري !!!!

ما ينطيكم كلبكم تبتسمون !!!!!

اكول .... بلا دوخة راس !!!

راح احاول ابتسم ... لله ....مو لاحد !!!

بس مو تكولون..... هاي  اشبيها دا تبتسم ؟؟؟

سلام مربع لكل من يبتسم مع سبق الاصرار والترصد !!!!

للمتابعة ومزيد من الخواطر ...زوروا  مدونتي خواطر امرأة ... انقر الرابطhttp://khwater-women.blogspot.com/